کوئٹہ (این این آئی)بلوچستان میں افغانستان سے پاکستان کے راستے بھارتی دارالحکومت نئی دہلی سگریٹ اسمگل کرنے کی کوشش ناکام بنادی گئی۔ضلع پشین میں کسٹم حکام نے مخبر کی اطلاع پر کارروائی کرتے ہوئے افغانستان سے آنے والے بڑے ٹرک کو روکا
اور دوران تلاشی پیاز کی آڑ میں 600 کارٹن میں پیک غیر ملکی سگریٹ برآمد کی۔اسمگل کی جانے والی سگریٹس کو ٹرانزٹ کے ذریعہ بھارت کے شہر نئی دہلی لے جایا جارہا تھا جبکہ برآمد شدہ سگریٹس کی تعداد 60 لاکھ اور مالیت 4 کروڑ روپے سے زائد ہے۔
