برلن(نیوزڈیسک) جرمنی کی خاتون چانسلر انجیلا مرکل کے قانون سازی کے آفس کا کمپیوٹر بھی سائبر حملے کی زد میں آ نے کا انکشاف ہوا ہے ،ہیکرز نے ڈیٹاہیک کرلیاہے ۔ ایک جرمن اخبارکے مطابق سائبرحملہ مئی میں کیا گیا جب ملک کے ایوان زیریں کو نشانہ بنایا گیا تھا، یہ سائبر حملہ قبل ازیں توقع کئے جانے والے حملوں سے کہیں زیادہ اور وسیع تھا اور بونڈاسٹک نے اسے کنٹرول کرنے کی کوشش کی۔اس حملے نے مرکل کے بونڈاسٹک دفتر میں رکھے گئے ایک کمپیوٹر کو متاثر کیا۔بلڈ کا کہنا ہے کہ یہ کمپیوٹر ان کمپیوٹروں میں شامل تھا جن پر ٹروجن ہارس قسم کے حملے کا پتہ چلایا گیا تھا۔جریدہ کے مطابق یہ پتہ جمعے کو لگا،حکام کو معلوم ہوا کہ بونڈاسٹک میں پانچ کمپیوٹروں پر ٹروجن ہارس سافٹ ویئر پایا گیا ہے۔مرکل کی کنزرویٹو سی ڈی یو بلاک کے ترجمان نے جریدے کو بتایا کہ وہ اس خبر کی تردید یا تصدیق نہیں کرسکتے۔ فوری طور پر یہ معلوم نہیں ہوسکا کہ سائبر اٹیک کا ذمہ دار کون ہے