لاہور( این این آئی)ٹماٹر کی آسمان کو چھوتی قیمتوں کے پیش نظر ننھی بچی کی ٹماٹر کی قیمتوں پر طنز یہ ویڈیو سوشل میڈیا پر وائرل ہوگئی۔تفصیلات کے مطابق قیمتوں میں اضافے کی وجہ سے سبزی بھی اب غریب کی پہنچ سے دور ہوتی جارہی ہے، بچی نے ٹماٹر کی بڑھتی قیمتوں پر ویڈیو بنائی جو سوشل میڈیا پر وائرل ہوگئی۔کمسن بچی نے ٹماٹر کا ہار گلے میں پہنا اور کہا کہ کئی دنوں کی خرچہ جمع کرکے ٹماٹر خریدنا پڑتے ہیں، بچی نے ہاتھ جوڑ کر مہنگائی ختم کرنے
کا مطالبہ بھی کیا۔بچی کا ویڈیو میں کہنا تھا کہ اللہ توبہ توبہ عمران خان صاحب! پہلے تو ہم سونے کا ہار پہنتے تھے اب تو ٹماٹر کا ہار پہنتے ہیں، تھوڑا تو ہم پر رحم کرلیں اب یہ دیکھو ٹماٹر بھی آپ نے مہنگے کردئیے ہیں۔بچی کا معصومانہ انداز میں کہنا تھا کہ پہلے مما ٹماٹر سالن میں ڈالتی تھیں اب ہمیں ایک ایک روپیہ جمع کرکے یہ ٹماٹر خریدنے پڑ رہے ہیں۔آپ تو کہتے تھے غریب عوام کو ریلیف فراہم کریں گے لیکن آپ نے کیا ریلیف فراہم کیا، تھوڑا تو ہم پر رحم کریں پلیز۔
