اسلام آباد (مانیٹرنگ ڈیسک)سینئر صحافی عارف حمید بھٹی نے نجی ٹی وی پروگرام میں گفتگو کرتے ہوئے کہا ہے کہ آج انسانی ہمدردی مانگنے والے نواز شریف ،ماضی میں
جب پرویز مشرف بیمار ہوئے تھے ان کا کیسے مذاق اڑایا کرتے تھے ،اس حوالہ سے انہوں نے پروگرام کے دوران کچھ ویڈیو ز بھی چلائیں جس میں سعد رفیق کاپرویز مشرف کی درخواست پر کہنا تھا کہ انوکھا مریض آئی سی یو میں لیٹا ہوا ہے اور عدالت بھی اپنے پائوں پر چل کر جاتا ہے ، یہ ڈرامے بازی مشرف صاحب بند کریں اور بیرون ملک علاج کیلئے جانے کا فیصلہ عدالت سے ہو کر جاتا ہے حکومت سے نہیں گزرتا ، اسی طرح ایک اوربیان میں ن لیگ کے صدر سعد رفیق کا کہنا تھا کہ پرویز مشرف کی انجیو گرافی کیلئے انہیں پاکستان سے باہر بھیجنا ہے تو مجھے بتائیں جتنے وہ لوگ جو جیلوں میں بند اور دل کے مریض ہیں کیا انہیں بھی بیرون ملک علاج کیلئے بھیج دیں ؟ پرویز مشرف انوکھا لاڈلہ نہیں ۔ جبکہ ن لیگ کے سینئر رہنما خواجہ آصف کا پرویز مشرف سے متعلق کہنا تھا کہ وہ ہم سے معافیاںمانگتے ہیں ترلے کرتے ہیں کہ مجھے علاج کے لئے بیرون ملک جانے دیا جائے ۔ جبکہ ن لیگی رہنما پرویز رشید کا ماضی میں کہنا تھا کہ قانون میں ایسی کوئی گنجائش نہیں کہ کوئی ملزم علاج کیلئے اپنے ملک سے باہر چلا جائے ۔ ان بیانات کو مدنظر رکھتے ہوئے عارف حمید بھٹی کا کہنا تھا کہ یہ جو پس پردہ بیٹھ کر ملک چلا رہے ہیںیہ ان کیلئے بھی پیغام ہے، یہ تو مجرم جارہا ہے اس پر میں کچھ زیادہ کہوں تو لوگوں کو برا لگ جائے گا ۔
