اسلام آباد(نیوزڈیسک) نیب کی جانب سے سندھ کے موجودہ اورسابق دووزراءکومختلف الزامات کے تحت تحقیقات کے دائرے میں لانے کے فیصلے سے سندھ میں کرپٹ سیاسی شخصیات اوربیوروکریسی میں کھلبلی مچ گئی ہے ۔تفتیش کے دائرے میں آنے والے حاضر وزیرکامیرپورخاص ڈویژن سے تعلق ہے ۔اطلاعات کے مطابق نیب کے ایگزیکٹو بورڈ نے سندھ کے سابق صوبائی وزیرتعلیم پیرمظہرالحق پراساتذہ کی بھرتیوں میں رشوت لینے کے الزام اورموجودہ وزیربہبود آبادی سیدمردان علی شاہ پراختیاراورفنڈزکے غلط استعمال کاالزام کی تحقیقات کی منظوری دی گئی ہے ،مردان علی شاہ کاتعلق میرپورخاص ڈویژن کے ضلع عمر کوٹ سے ہے ۔نیب کی جانب کارروائی پرعوامی حلقوں کی جانب سے خیرمقدم کیاجارہاہے ۔میرپورخاص ڈویژن کے بلدیات ،پولیس ،تعلیم اورصحت سمیت مختلف محکموں میں کروڑوں روپے کی مبینہ بے قاعدگیوں ،کرپشن اورغیرقانونی بھرتیوں کے الزامات کی مختلف ادارے ایک طویل عرصے سے تحقیقات کررہے ہیں لیکن بہت سی تحقیقات کے نتائج تاحال سامنے نہیں آسکے ہیں جن کے بارے میں عوامی حلقوں میں شکوک وشہبات پائے جاتے ہیں ،لوگوں کے یہ مطالبات سامنے آرہے ہیں کہ نیب قومی وسائل لوٹ ماراورتحقیقات کی آڑ میں کرپشن کرنے والوں کوبھی تحقیقات کے دائرے میں لائے ۔