اسلام آباد(مانیٹرنگ ڈیسک) ملک بھر میں اب سے کچھ دیر پہلے شدید زلزلہ آیا، سب سے زیادہ نقصان آزاد کشمیر میں ہوا، جہاں اب تک 5افراد جاں بحق ہو چکے ہیں ، درجنوں افراد شدید زخمی ہیں ،جبکہ کئی افراد لاپتہ ہے ۔ جیو نیوز کے مطابق میر پور آزاد کشمیر میں عمارت  گرگئی ہے جس کی وجہ سے 50سے زائد افراد زخمی ہو گئے ، ایک مسجد کا

مینار بھی گر گیا ہے ،سڑکیں پھٹ گئی ہیں ، گاڑیاں اندر دھنس گئی ہیں ،مواصلاتی نظام درہم برہم ہو چکا ہے ۔ امدادی ٹیمیں جائے وقوعہ کی طرف روانہ ہو چکی ہیں ۔ زلزلے کے باعث رہائشی کلمہ طیبہ کا ورد کرتے ہوئے گھروں سے باہر نکل آئے،ریکٹر سکیل پر زلزلے کی شدت پانچ اعشاریہ8ریکارڈ کی گئی زلزلہ 15سے 20سیکنڈ تک جاری رہا۔