اسلام آباد (این این آئی) پاکستان پیپلز پارٹی کے رہنماء اعتزاز احسن نے کہا کہ اپوزیشن لیڈر کو بغیر بتائے گرفتار کرنابڑے دکھ کی بات ہے،وہ کہیں نہیں بھاگ رہے تھے۔میڈیا سے گفتگو کرتے ہوئے پاکستان پیپلز پارٹی کے رہنماء اعتزاز احسن نے کہا کہ بڑے دکھ کی بات ہے کہ اپوزیشن لیڈر کو بغیر بتائے گرفتار کیا گیا۔ انہوں نے کہا کہ ہم ان سے مل کے آئے ہیں اور خورشید شاہ کے چہرے پر مسکراہٹ دیکھ کر خوشی ہوئی ہے۔انہوں نے کہا کہ ڈاکٹرز کو تشویش ہے کہ وہ فزیکل فٹ نہیں،

معدے کا مسئلہ سامنے آ رہا ہے،بلڈ پریشر بھی ہائی ہے۔انہوں نے کہا کہ کسی کے گھر پہ عدم موجودگی پہ چھاپے مارنا گھریلو خواتین کو پریشان کرنا شرم کی بات ہے۔انہوں نے کہا کہ شاہ صاحب نے کوئی ٹکٹ نہیں کٹایا تھا نہ ہی بھاگ کہ جا رہے تھے۔انہوں نے کہا کہ وہ پارٹی کے اجلاس میں شامل تھے اچانک گرفتار کرنا شرم کی بات ہے۔انہوں نے کہا کہ نیب کے پاس کوئی بہانہ نہیں تھا اور سینئر پارلیمنٹرین کو پارلیمنٹ کے اندر سے گرفتار کرنا ہمارے لئے بڑے دکھ کی بات ہے۔