لاہور(نیوزڈیسک)سینٹرل کنٹریکٹ،پی سی بی نے فیصلہ کرلیا،پاکستان کرکٹ بورڈ کی طرف سے قومی کھلاڑیوں کو نیاسینٹرل کنٹریکٹ یکم جولائی سے دئیے جانے کا امکان ہے ۔بتایا گیا ہے کہ پی سی بی کی جانب سے قومی کرکٹ ٹیم کے کھلاڑیوں اور قومی سطح پرکھیلنے والے دیگر کرکٹرز کو نیا سینٹرل کنٹریکٹ یکم جولائی سے دیئے جانے کا امکان ہے۔کنٹریکٹ میں فٹنس بھی مشروط ہے ۔گزشتہ سال کے اختتام پر پی سی بی نے ورلڈ کپ کے بعد کچھ کھلاڑیوں کی ریٹائرمنٹ کے باعث تین ماہ کا سینٹرل کنٹریکٹ دیا تھا۔ مارچ 2015ءتک کے سینٹرل کنٹریکٹ کے بعد اپریل،مئی اور جون کا سینٹرل کنٹریکٹ دینا بھی ابھی باقی ہے۔نئے سینٹرل کنٹریکٹ میں تینوں فارمیٹ کے کپتانوں کو اے کیٹیگری میں رکھا جائے گا۔ بتایا گیا ہے اس کنٹریکٹ پر متعدد کھلاڑیوں کی جانب سے دستخط بھی کر دیئے گئے ہیں۔