اسلام آباد(مانیٹرنگ ڈیسک) شہریوں کوپنجاب پولیس کے تشدد اور ناانصافی سے بچانے کے لیے پنجاب حکومت نے عوام کو پولیس شکایت سینٹر کا نمبر فراہم کر دیا۔ٹویٹر پر اپنے پیغام میں ترجمان وزیراعلیٰ پنجاب نے کہا کہ عوام الناس سے التماس ہے کہ اگر کسی پولیس آفیسر نے تشدد کیا ہو، غیر قانونی حراست
میں رکھا ہو یا پھر نجی / غیر قانونی ٹارچر سیل بنا رکھا ہو تو فوری طور پر پولیس شکایت سنٹر 8787 پر اطلاع دیں۔یقین رکھیے! آپکی جائز شکایت پر فوری ازالے کے لیے مؤثر کارروائی کی جائے گی۔یا درہے کہ پچھلے کچھ دنوں سے پنجاب پولیس کیخلاف شکایات میں نمایاں اضافہ ہواہے ۔
