کراچی (آن لائن)سندھ سیکریٹریٹ میں صوبائی وزیر ترقیاتی فنڈز شہلا رضا کے دفتر میں شارٹ سرکٹ سے آگ لگنے کے نتیجے میں فرنیچرو اہم دستاویز جل کر خاکستر ہو گئیں جبکہ آگ بجھانے والے دوفائرٹینڈرز کی طویل کوششو ں کے بعد قابو پا لیا گیا۔تفصیلات کے مطابق صوبائی وزیر ترقیاتی فنڈز شہلا رضا کے سندھ سیکریٹریٹ میں قائم دفترمیں نماز جمعہ کے اوقات میں لگی۔نماز کے وقفے کے باعث دفتر میں
کوئی اسٹاف موجود نہیں تھا اس لئے کسی جانی نقصان کا اندیشہ نہیں ہوا۔اس بارے میں شہلا رضانے کہاکہ میرے دفتر میں کام کرنے والا اسٹاف بچ گیا، اس سے بڑی بات میرے لئے کوئی نہیں ہو سکتی، بس دفتر کے باہر لگے درخت بچ جائیں۔انہوں نے آگ لگنے کی وجہ بتاتے ہوئے کہا کہ آگ شارٹ سرکٹ کے باعث لگی، گزشتہ روز سے دفتر کے کچھ اے سی خراب تھے اور ان کو ٹھیک کرنے کا عمل جاری تھا۔
