پشاور (این این آئی)پشاور ایئرپورٹ پر سعودی عرب سے آنے والی پرواز کے مسافروں کا سامان مدینہ میں رہ گیا،پشاور ایئرپورٹ پر سامان اور آب زم زم کی تاخیر پرمسافر آپے سے باہرہوگئے، پشاور ایئرپورٹ پر دلچسپ مناظر دیکھے گئے،مسافر کنوینر بیلٹ پر چڑھ دوڑے،مسافروں کو روکنے کیلئے سی اے اے کے عملے کی دوڑیں لگ گئیں۔ ذرائع کے
مطابق ایئرپورٹ پر اے ایس ایف اہلکار مسافروں کو کنوینر بیلٹ پر چڑھنے سے روکتے رہے لیکن وہ پھر بھی باز نہ آئے،سی اے اے کے عملے کی مداخلت پر مسافروں کو کنوینر بیلٹ سے اتارا گیا،سی اے اے نے احتیاطی تدابیرکے طور پر کنوینر بیلٹ کو روک دیا تاکہ کوئی حادثہ رونما نہ ہوسکے۔ مسافروں نے پشاور ایئرپورٹ پر شدید احتجاج کیا۔
