جینوا (این این آئی)اقوام متحدہ کی انسانی حقوق کمشنر میشیل نے مقبوضہ کشمیر میں بھارتی اقدامات سے انسانی حقوق متاثر ہونے پر سخت تشویش کا اظہار کرتے ہوئے کہا ہے کہ شہریت منسوخی سے متاثر ہ افراد کو بھارت ملک بدر یا قید نہ کرے۔اقوام متحدہ کی انسانی حقوق کمشنر میشیل نے ہیومین رائٹس کونسل کے 42ویں سیشن میں خطاب کرتے ہوئے کہاکہ مقبوضہ کشمیر میں بھارتی اقدامات سے انسانی حقوق متاثر ہونے پر سخت تشویش ہے۔ انہوں نے کہاکہ مقبوضہ کشمیر میں انٹرنیٹ اور

ذرائع مواصلات معطل ہیں،مقبوضہ کشمیر میں پر امن مظاہروں پر پابندی اور سیاسی رہنماؤں کو بند کر دیا گیا ہے،بھارت کرفیو میں نرمی اور لوگوں کو بنیادی سہولتوں تک رسائی دے۔ انہوں نے کہاکہ کشمیر کے مستقبل کے حوالے سے کسی بھی فیصلے میں کشمیریوں کو شامل کیا جائے۔ انہوں نے کہاکہ آسا م  میں 19لاکھ لوگوں کی شہریت منسوخی نے غیر یقینی اور پریشانی کو جنم دیا۔ انہوں نے کہاکہ بھارت شہریت منسوخی کیخلاف  اپیلوں کے دوران قانونی ضابطوں پر عملدرآمد یقینی بنائے۔