ٹیکساس ( اے پی پی) امریکی ریاست ٹیکساس میں فائرنگ کے ایک تازہ واقعے میں کم از کم 20 افراد ہلاک جبکہ تین پولیس اہلکاروں سمیت 21 افراد زخمی ہو گئے ۔فرانسیسی خبر رساں ادارے کے مطابق مقامی پولیس نے بتایا ہے کہ ایک مسلح شخص نے ٹیکساس کے دو شہروں اوڈیسا اور مڈ لینڈ کے درمیانی علاقے میں گاڑی سے عام راہگیروں پر فائرنگ کی ہے۔

اوڈیسا پولیس کے چیف مائیکل گریک نے میڈیا کو بتایا ہے کہ فائرنگ کے اس واقعے میں کم از کم پانچ ہلاک اور 21زخمی ہو گئے ہیں جبکہ مسلح شخص کے ساتھ فائرنگ کے تبادلے میں تین پولیس اہلکار بھی زخمی ہوئے ہیں۔پولیس کے مطابق سکیورٹی اہلکاروں کی جانب سے مسلح شخص کو اوڈیسا شہر میں ایک سینما گھر کے سامنے فائرنگ کے تبادلے میں ہلاک کر دیا گیا ہے۔