ریاض(این این آئی)یمن میں آئینی حکومت کی بحالی کے قائم عرب اتحاد کے مطابق حوثیوں کا ایک اور ڈرون طیارہ مار گرایا۔ یہ بمبار ڈرون طیارہ صنعاء سے سعودی عرب پرحملے کے لیے چھوڑا گیا تھا مگر اتحادی فوج نے بر وقت کارروائی کرکے اسے مارگرایا۔غیرملکی ذرائع ابلاغ کے مطابق عرب اتحاد کے ترجمان کرنل ترکی المالکی نے بتایاکہ ایرانی حمایت یافتہ حوثی ملیشیا نے صنعاء سے ایک بمبار ڈرون سعودی عرب کے سرحدی

علاقے پربمباری کے لیے اڑایا تاہم اسے تباہ کر دیا گیا ہے۔کرنل المالکی نے کہا کہ حوثی ملیشیا شہریوں پرحملوں کی دہشت گردانہ سازشیں جاری رکھے ہوئے ہے۔ حوثی دہشت گرد ذرائع ابلاغ کے ساتھ ساتھ دیگر آلات اور حربوں کو بھی شہری آبادی پرحملوں کے لیے استعمال کرتے ہیں۔ ڈرون حملے جیسے واقعات دہشت گردی اور غیرذمہ دارانہ ہیں جن پران کے خلاف سخت قانونی کارروائی عمل میں لائی جانی چاہیے۔

موضوعات:سعودی عرب،یمن،حوثی ملیشیا،عرب اتحاد،کرنل ترکی المالکی،ایران،اقوام متحدہ