اسلام آباد (این این آئی)سابق ٹیسٹ کرکٹر سرفراز نواز نے کرکٹ اکیڈمی سر بمہر کر نے کے معاملے پر وزیراعظم عمران خان سے فوری نوٹس لینے کی اپیل کردی ۔ بدھ کو ویڈیو بیان میں انہوںنے کہاکہ امید ہے کہ میرا کرکٹر وزیراعظم مجھے انصاف دلواے گا۔انہوںنے کہاکہ اسلام آباد میں میری کرکٹ اکیڈمی پر غیر قانونی قبضہ کرکے بند کیا گیا۔انہوںنے کہاکہ تمام معاملے سے میئر اسلام آباد کو آگاہ کر رکھا ، مگر کوئی شنوائی نہیں ہوئی۔

انہوںنے کہاکہ سی ڈی اے بورڈ کی منظوری کے بعد 10سالوں سے اکیڈمی چلا رہا ہوں۔انہوںنے کہاکہ کرکٹ اکیڈمی پرمیئر اسلام آباد کا قبضہ کروانا انتہائی شرمناک اقدام ہے۔انہوںنے کہاکہ لگتا ہے ن لیگ کا میئر اسلام آباد میں پی ٹی آئی کو بدنام کرنا چاہتا ہے۔ سرفراز نواز نے کہاکہ برطانیہ میں علاج کروارہا ہوں لیکن اسلام آباد میں کرکٹ اکیڈمی پر قبضہ کروالیا گیا۔سابق ٹیسٹ کرکٹر نے کہاکہ وزیراعظم کرکٹ اکیڈمی پر قبضہ کرنیوالوں کیخلاف کارروائی کے احکامات دے۔