واشنگٹن(آن لائن) امریکا کے سینیٹر گیری پیٹرز نے مطالبہ کیا ہے کہ بھارت مقبوضہ کشمیر سے فوج باہر نکالے اور شہریوں کو آزادی اظہار کی اجازت دے۔ ٹیکساس میں پاکستانی امریکن ڈیموکریٹ طاہرجاوید کی جانب سے منعقدہ تقریب سے خطاب کرتے ہوئے سینیٹر گیری پیٹرز نے مقبوضہ کشمیر کی صورتحال پر تشویش ظاہر کی اور
مطالبہ کیا کہ بھارت فوج واپس بلائے اور لوگوں کو مذہبی آزادی دے۔گیری پیٹرز نے یقین دہانی کرائی کہ وہ مسئلہ پر دیگر اراکین سینیٹ سے بات کریں گے اور سینیٹ میں قراردادپیش کی جائے گی۔دوسری جانب طاہرجاوید کا کہنا تھا کہ مقبوضہ کشمیرمیں بارہ لاکھ افراد قیدیوں کی زندگی گزارنے پر مجبور ہیں اور اْنہیں خوراک اور دوائوں تک رسائی بھی نہیں ہے۔
