دوحہ(این این آئی) قطر میں 10، 10 اوورز کی کرکٹ لیگ ہوا کریگی سابق کپتان شاہد آفریدی کو برانڈ ایمبیسیڈر مقرر کیا گیا ہے۔ سوشل میڈیا پر شاہد آفریدی نے اس لیگ کی 10 نمبر کی اپنی شرٹ شیئر کرتے ہوئے کہا کہ مجھے یہ بتاکربہت خوشی ہورہی ہے کہ قطر پریمیئرلیگ کی انٹرنیشنل کرکٹ

کونسل نے منظوری دے دی ہے۔شاہد آفریدی نے کہا کہ قطر میں مقابلوں سے نہ صرف یہاں کھیل کو فروغ دینے میں مدد ملے گی بلکہ قطر میں سیاحت بھی بڑھے گی۔ شاہد آفریدی نے کرکٹ لیگ کے آرگنائزر کو لیگ کی منظوری ملنے پر مبارک باد دیتے ہوئے نیک خواہشات کا اظہار کیا ہے۔