لندن(این این آئی)مسلم لیگ ن کے صدر اور اپوزیشن لیڈر شہباز شریف کی لیگل ٹیم نے برطانوی اخبار ڈیلی میل کے خلاف قانونی چارہ جوئی کی تصدیق کر دی۔لندن میں موجود لیگل ٹیم نے شہباز شریف کو بتایا کہ ان کا کیس مضبوط ہے۔شہباز شریف کی لیگل ٹیم نے ڈیلی میل اور جنرل ٹرسٹ کے پبلشرز کے خلاف ہتک عزت کیس کی تیاریاں تیز کردیں۔اپوزیشن لیڈر کی لیگل ٹیم نے برطانوی اخبار
کے خلا ف ہتک عزت کیس کے قوانین سے متعلق 3ماہرین سے ملاقاتیں کیں۔لیگل ٹیم کے مطابق تمام 3قانونی فرمز سے مثبت جواب ملا ہے، ثابت کریں گے کہ رپورٹ میں لگائے گئے الزامات کا مقصد سیاسی تھا جو بے بنیاد ہیں۔لیگل ٹیم کے مطابق برطانوی اخبار کے خلاف کیس کے لئے وکیل کل تک فائنل کرلیں گے جبکہ رواں ہفتے ہی قانونی کارروائی شروع کردی جائے گی۔
