بریوڈی جنیرو(آن لائن) میزبان برازیل اور پیرو کی ٹیموں کے درمیان کوپا امریکہ فٹ بال کپ کا فائنل میچ (کل) اتوار کو کھیلا جائیگا۔ میزبان برازیل اور پیرو کی ٹیمیں فائنل میچ کھیلنے کا اعزاز حاصل کر چکی ہیں۔ برازیل میں جاری ایونٹ اختتامی مراحل کی طرف گامزن ہے اور شائقین فٹ بال کانٹے دار مقابلوں سے خوب لطف اندوز ہو رہے ہیں۔ایونٹ کا فائنل میچ (کل)
اتوار کو برازیل اور پیرو کی ٹیموں کے درمیان کھیلا جائیگا۔ برازیل نے ٹورنامنٹ کے پہلے سیمی فائنل میچ میں ارجنٹائن کی ٹیم کو یکطرفہ مقابلے کے بعد 2-0 سے شکست دیکر ایونٹ کے فائنل کیلئے کوالیفائی کیا تھا جبکہ دوسرے سیمی فائنل میچ میں پیرو کی ٹیم نے چلی کی ٹیم کو یکطرفہ مقابلے کے بعد 3-0 گول سے ہرا کر فائنل کھیلنے کا اعزاز حاصل کیا۔
