ماسکو (این این آئی)روسی حکام نے کہاہے کہ جاپان میں ‘جی 20’ اجلاس کے موقع پر 29 جون کو صدر ولادی میرپوتین اور سعودی عرب کے ولی عہد شہزادہ محمد بن سلمان بن عبدالعزیز ملاقات کریں گے۔عرب ٹی وی کے مطابق ولی عہد شہزادہ محمد بن سلمان روسی صدر کے آئندہ اکتوبر میں دورہ سعودیہ سمیت دیگر امور پرتبادلہ خیال کریں گے۔جی 20 اجلاس میں شرکت کے موقع پر روسی صدر پوتین کی امریکی صدر

ڈونلڈ ٹرمپ، برطانوی وزیراعظم تھریسا مے اور تْرک صدر رجب طیب ایردوآن سے بھی ملاقات کا امکان ہے۔خیال رہے کہ سعودی ولی عہد شہزادہ محمد بن سلمان منگل کو جنوبی کوریا کے صدر مون جیان کی دعوت پر ایک روزہ دورے پر سیول روانہ ہوگئے تھے۔گذشتہ روز انہوںنے کوریائی لیڈر سمیت دیگر اعلیٰ حکام سے ملاقاتیں کیں۔ ان ملاقاتوں میں جنوبی کوریا اور سعودی عرب کے درمیان مشترکہ امور پرتبادلہ خیال کیا گیا۔

موضوعات:سعودی عرب،روس،ماسکو،محمد بن سلمان،ولادی میر پوتین