دبئی( نیوز ڈیسک) انٹرنیشنل کرکٹ کونسل نے سابق آسٹریلوی کرکٹرز اور جڑواں بھائی اسٹیو واہ اور مارک واہ کو 50ویں سالگرہ پر مبارکباد پیش کی ہے۔آسٹریلیا کے سابق کپتان اسٹیو واہ اور ان کے جڑواں بھائی مارک واہ آج اپنی 50ویں سالگرہ منا رہے ہیں دونوں جڑواں بھائیوں نے کینگروز ٹیم کے لئے 90 کی دہائی میں بیش بہا خدمات پیش کی۔ سابق کپتان اسٹیو واہ کی ہی قیادت میں 1999 میں آسٹریلیا نے ورللڈ کپ کے فائنل میچ میں پاکستان کو شکست دے کر ٹائٹل اپنے نام کیا اور یہی ورلڈ کپ پاکستان ٹیم کے لئے آخری ثابت ہوا جس کے بعد سے قومی ٹیم کوئی ورلڈ کپ فائنل میچ نہ کھیل سکی۔
انٹرنیشنل کرکٹ کونسل نے دونوں جڑواں بھائیوں کی کینگروز ٹیم کے لئے خدمات کا اعتراف کرتے ہوئے ان کی سالگرہ پر سماجی رابطے کی ویب سائٹ ٹوئٹر پر انہیں مبارکباد پیش کی۔