احمد پورشرقیہ (نیوزڈیسک)افسوسناک واقعہ، تفصیلات کے مطابق احمد پور شرقیہ میں مذاق مذاق میں دوست نے اپنے دوست کی ہی جان لے لی، کہتے ہیں کہ احمق دوست سے عقلمند دشمن بہتر ہے، اور یہ بات ایک بار پھر ثابت ہوگئی، احمد پور شرقیہ میں سوئمنگ پول میں نہاتے ہوئے دوست نے اپنے دوست کو زبردستی سوئمنگ پول میں کھینچ لیا، اسے تیرنا نہیں آتا تھا جس کی وجہ سے اس نے ڈبکیاں لگانا شروع کردیں جس پر اس کا دوست ہنستا رہا اور اسے ڈوبتے دیکھتا رہا اور
تو اور سوئمنگ پول پر موجود دیگر لوگوں نے بھی اس کی مدد کرکے اسے نکالنے کے بجائے موبائلز پر ویڈیوز بنانا شروع کردیں، نوجوان بالاخر ڈبکیاں لگاتے لگاتے جان کی بازی ہارگیا۔ واقعہ پر شہریوں نے شدید افسوس کا اظہار کیا ہے اور اس عمل کو حادثہ نہیں بلکہ قتل قرار دیا ہے اور واقعے میں ملوث نوجوان جس نے دوست کو زبردستی سوئمنگ پول میں کھینچا اسے سخت سزا دینے کا مطالبہ کیا ہے اور دیگر افراد جو موقع پر موجود تھے ان کو بھی قصور وار ٹھہرایا ہے۔
