لندن (این این آئی)انگلش ایمپائر این گولڈ کا آئندہ ماہ شیڈول آئی سی سی ون ڈے ورلڈ کپ کے بعد ریٹائرمنٹ کا اعلان کر دیا۔ میڈیا رپورٹ کے مطابق یہ ان کا بطور ایمپائر چوتھا اور آخری ورلڈ کپ ہو گا، گولڈ کو 18 ایک روزہ بین الاقوامی کرکٹ میچز میں انگلش ٹیم کی نمائندگی کا اعزاز حاصل ہے اور وہ 1983ء میں منعقدہ ورلڈ کپ میں انگلش سکواڈ کا حصہ بھی تھے۔ انہوں

نے 2002ء میں ای سی بی فرسٹ کلاس ایمپائرز کو جوائن کیا تھا تاہم 2006ء میں انہوں نے انٹرنیشنل ایمپائرنگ کیریئر کا آغاز کیا تھا اور آئندہ ماہ شیڈول ورلڈ کپ کے ساتھ ہی وہ اپنے 13 سالہ ایمپائرنگ کیریئر کا اختتام کریں گے۔ واضح رہے کہ گولڈ اب تک 74 ٹیسٹ، 135 ون ڈے اور 37 ٹی ٹونٹی انٹرنیشنل میچز میں ایمپائرنگ کے فرائض انجام دے چکے ہیں۔