لاہور( این این آئی )شوبز ستاروں نے ورلڈ کپ کے میچ میں انگلینڈ کو قومی ٹیم کے ہاتھوں شکست پر خوشی کا اظہار کرتے ہوئے کہا ہے کہ گرین شرٹس نے اس کامیابی سے دوسری ٹیموں کیلئے خطرے کی گھنٹی بجا دی ہے ۔اداکار ہمایوں سعید ،احسن خان ، ببرک شاہ ،حیدر سلطان، موسیٰ خان، معمر رانا ، عمران اشرف ، اسلم شیخ ، فہد مصطفی نے سماجی ربطوں کی ویب سائٹس پر

پاکستانی ٹیم کی پرفارمنس کو سراہتے ہوئے کہا کہ قومی ٹیم نے بہترین کم بیک کیا ہے ۔اس کامیابی سے ثابت ہو گیا ہے کہ پاکستان کی کرکٹ ٹیم دنیا کی بہترین ٹیم ہے جو کسی وقت بھی بازی پلٹنے کی صلاحیت رکھتی ہے ۔شوبز ستاروں نے کہا کہ اس کامیابی کے بعد پاکستانی ٹیم میںرد ھم واپس آ گیا ہے اور یہ کہا جا سکتا ہے کہ پاکستان سیمی فائنل تک ضرور رسائی حاصل کر ے گا اور انشا اللہ فائنل بھی کھیلا گا ۔علاوہ ازیں مزاحیہ اداکار طاہر نوشاہد کی جانب سے قومی ٹیم کی کامیابی کی خوشی میں تماثیل تھیٹر میں ڈرامہ ریہرسل کے دوران ساتھی فنکاروں میں مٹھائی بھی تقسیم کی گئی۔