راولپنڈی (این این آئی)راولپنڈی ایکسپریس شعیب اختر نے انگلینڈ کے بیٹسمین کیوین پیٹرسن کو آڑے ہاتھوں لے لیا اور ٹوئٹر پر دونوں کرکٹرز کی لفظی جنگ جاری رہی۔قومی کرکٹ ٹیم کے سابق فاسٹ بائولر شعیب اختر نے پاکستان انگلینڈ کے میچ سے قبل سماجی رابطے کی ویب سائٹ ٹوئٹر پر قومی کرکٹ ٹیم کا حوصلہ بڑھانے کیلئے ایک پیغام شیئر کیا۔شعیب اختر نے اپنے ٹوئٹ میں لکھا کہ خون، پسینہ، غصہ، دل کی تیز دھڑکن، یہ چیزیں وہ ہیں جو ملک کی نمائندگی کے وقت آپ کے ساتھ ہونا چاہیں۔انہوں نے لکھا کہ

آپ کے سینے پر سجا ستار آپ کا فخر ہے لہٰذا تگڑا کھیل پیش کرتے ہوئے مخالف کو شکست دے دیں۔ ٹوئٹ میں شعیب اختر نے اپنی پیٹرسن کو آئوٹ کرنے کے بعد جشن منانے کی تصویر بھی شیئر کی۔فاسٹ بائولر کی اس ٹوئٹ کی جواب میں پیٹرسن بھی میدان میں آگئے اور دونوں میں لفظی جنگ چِھڑی رہی۔شعیب اختر کے ٹوئٹ کے جواب میں انگلینڈ کے بیٹسمین کیوین پیٹرسن نے لکھا کہ ’تمھارے ٹوئٹ کے جواب میں بحث نہیں کروں گا دوست، البتہ جیسا کہ میں نے سنچری اسکور کرنے کیلئے آپ کو ہرطرف مارا تھا۔