لاہور (این این آئی) ورلڈ کپ سکواڈ میں منتخب نہ کئے جانے پرقومی ٹیم کے فاسٹ باؤلرجنید خان کامنفرد انداز میں احتجاج،کچھ نہ کہتے ہوئے بھی بہت کچھ کہہ ڈالا،قومی ٹیم کے فاسٹ بولر جنید خان نے ورلڈکپ اسکواڈ سے ڈراپ ہونے پر منفرد انداز میں احتجاج ریکارڈ کرا دیا۔

میڈیا رپورٹس کے مطابق جنید خان نے سوشل میڈیا پر اپنی تصویر جاری کی جس میں منہ پر سیاہ ٹیپ لگا ہوا ہے، ساتھ میں یہ بھی لکھا کہ میں کچھ نہیں کہنا چاہتا سچ کڑوا ہوتا ہے۔واضح رہے کہ جنید کو ٹیم سے باہر کر کے سلیکٹرز نے محمد عامر کو منتخب کیا ہے۔