کندھ کوٹ(این این آئی)کشمور انڈس ھائی وے پر مسافر ویگن کا گئس سلنڈر دھماکے سے پھٹ گیا جس کے بعد مسافر وین کو آگ لگ گئی،مسلسل دو گھنٹے تک مسافر وین کو آگ نے لپیٹ لیا ایک ہی گھر کے پانچ افراد جھلس کر جاں بحق اور 7 مسافر زخمی ہوگئے، لاشوں اور زخمیوں کو فوری ہسپتال منتقل کیا گیا،

کشمور ہسپتال میں ایمرجنسی نافذ کر دی گئی۔ تفصیلات کے مطابق کندھ کوٹ سے کشمور جانے والی مسافر وین نمبر 2123 جو صبح کندھ کوٹ راجا پمپ سے 12 مسافروں کو کشمور لے جانی کیلئے ساڑھے چھ بجے کشمور روانا ہوئی تو کشمور ٹول پلازہ انڈس ھائی وے کے مقام پر مسافر وین کا اچانک گیس سلنڈر دھماکے سے پھٹ گیا جس سے مسافر وین میں آگ لگ گئی، دھماکے سے شہر میں خوف و ہراس پھیل گیا، مسلسل دو گھنٹوں تک آگ نے مسافر وین کو اپنی لپیٹ میں لے لیا،فائیر برگیڈ عملا نہ پہنچ سکا، مسافر وین جل کر خاکستر ہوگئی،جس سے ایک ہی گھر کے پانچ افراد جھلس کر جاں بحق جبکہ ڈرائیور سمیت سات مسافر زخمی ہوگئے، اطلاع پر ریسکیو کرنے کیلئے پولیس اور اسپتال ایمبولنس جاع وقوع پر پہنچ گئی، لاشوں اور زخمیوں کو ریسیکیو کیا گیا ہسپتال میں ایمرجنسی نافذکی گئی، جھلس کر جان بحق ہونے والوں میں، ایک ہی گھر کے پانچ افراد جن میں ہزار خان، مسمات منظوراں، 6 سالا کائنات، مسمات مراداں خاتون مسمات لال خاتون شامل ہیں جن کا تعلق کندھ کوٹ کے گاؤں رئیس بھادر خان کا چاچڑ سے ہے، لاشیں گھر پہنچیں تو کہرام مچ گیا۔