اسلام آباد (این این آئی) پاکستان مسلم لیگ (ن)کے رکن اسمبلی رانا ثنااللہ نے معاون خصوصی فردوس عاشق عوان کے بیان پر ردِ عمل کا اظہار کرتے ہوئے کہاہے کہ فردوس باجی اپنے تیسرے باس کا نہیں ملک اور عوام کا سوچیں۔ ایک بیان میں انہوں نے کہاکہ فردوس باجی تین دن گزر میں نے معافی نہیں مانگی نہ نوٹس آیا اور نہ سرکاری بسوں اور دوائیوں کی کرپشن کا جواب آیا۔ انہوں ے کہاکہ فردوس باجی ملک کے مفاد کا سوچیں اور سرکاری بسوں اور دوائیوں کے کرپشن کے پیسے واپس کریں۔انہوں نے کہاکہ فردوس باجی وزارت میں خالی پرس
اندر اور بھرا ہوا باہر لے کے جانے والی دوسروں پر کرپشن کا الزام کیسے لگا سکتی ہیں۔ انہوں نے کہاکہ فردوس باجی ملک کے مفاد کے بارے میں سوچیں اور سلیکٹڈد وزیراعظم سے عوام کو چھٹکارا دلوا دیں۔انہوں نے کہاکہ ملک کے مفاد کے باریں میں سوچیں اور ایک کھرب کے میٹرو کے کھڈوں کی کرپشن کا جواب بھی دیں۔انہوں نے کہاکہ ملک کے مفاد کا سوچیں اور لوگوں کے جعلی گیس اور بجلی کے بل واپس کروا دیں اور وزیر کو جیل بجھوا دیں۔انہوں نے کہا کہ فردوس باجی ملک کے مفاد کا سوچیں اور دوائیوں کی قیمتوں کی کرپشن کے پیسے واپس کریں۔
