اسلام آباد(آن لائن) جمعیت علماء اسلام کے رہنما مولانا عبدالغفور حیدری نے کہاہے کہ مولانا فضل الرحمن کی سیکورٹی واپس لینے کے خلاف کل ملک بھر میں صوبائی جماعتیں پریس کانفرنس کرینگی۔ انہوں نے کہاکہ مولانا فضل الرحمن پر اس سے پہلے کئی حملے ہوچکے ہیں اگر مولانا فضل اور انکی فیملی کو کچھ ہوا تو ذمہ دار حکومت ہوگی ہم ریاست کیساتھ کھڑے ہے
تو ریاست کی ذمہ داری ہے کہ ہماری حفاظت کرے۔سیکورٹی واپس لینے سے ہمارے اصولی موقف میں کوئی تبدیلی نہیں آئیگی۔کل ملک بھر میں صوبائی اور ضلعی جماعتیں مذمتی پریس کانفرنس اور سیکورٹی بحالی کا مطالبہ کریں۔حکومت بوکھلاہٹ کا شکار ہوگئی ہے۔مولانا فضل الرحمن کی جان کی حفاظت اللہ نے ہی کرنا ہے مگر حکومت نے اوچھے ہتھکنڈوں پہ اترآئی ہے۔
