اسلام آباد (این این آئی) سینٹ کو بتایاگیا ہے کہ 10 سالوں کے دوران تیل اور گیس کے دریافت ہونے والے ذحائر کی تعداد 160 ہے، سب سے زیادہ ذخائر سندھ سے 160 دریافت کئے گئے،پنجاب13،خیبرپختونخوا 13 جبکہ بلوچستان سے سے 3 ذخائر دریافت کئے۔جمعہ کو سینٹ کا اجلاس صادق سنجرانی کی صدارت میں ہوا جس میں وزیر توانائی عمر ایوب خان نے تحریری جواب میں بتایاکہ

گزشتہ 10 سالوں کے دوران تیل اور گیس کے دریافت ہونے والے ذحائر کی تعداد 160 ہے۔ انہوںنے کہاکہ سب سے زیادہ ذخائر سندھ سے 160 دریافت کئے گئے،پنجاب13،خیبرپختونخوا 13 جبکہ بلوچستان سے سے 3 ذخائر دریافت کئے۔چیف جسٹس، وزیراعظم فنڈ برائے تعمیر دیامر بھاشا ڈیم اور مہمند ڈیمز معاملہ پر وزیر برائے آبی وسائل فیصل واوڈا نے سینٹ میں تحریری جواب جمع کرادیا ۔ بتایاگیاکہ سپریم کورٹ کی ویب سائٹ کے مطابق 10 ارب 40 کروڑ 57 لاکھ 773 روپے بھاشا اور مہمند ڈیمز کے فنڈز میں جمع ہوچکے ہیں ،وزیراعظم کی جانب سے مئی کے مہینے میں اس منصوبے کا انعقاد کردیا جائیگا۔وزیر انچارج برائے پرائم منسٹر ہاؤس نے سینٹ میں تحریری جواب میں کہاکہ پاکستان سٹیزن پورٹل 28 اکتوبر 2019 کو شروع کیا گیابتایاگیا کہ 13 اپریل 6 لاکھ 20 یزار 588 شکایات موصول ہوئیں،4 لاکھ 64 ہزار 562 شکایات حل کردی گئیں ،مجموعی طور پر 75 فیصد شکایات حل کردی گئیں، بتایاگیاکہ صرف 25 فیصد مطلب ایک لاکھ 56 ہزار 26 شکایات اس وقت زیر التوا ہیں۔بتایاگیاکہ شکایات حل کرنے کیلئے کم از کم 20 اور ذیادہ سے ذیادہ 40 روز درکار ہوتے ہیں۔