اسلام آباد(این این آئی) پاکستان پیپلز پارٹی خیبر پختون خوا نے صوبائی حکومت کے خلاف یکم مئی کو مظاہروں کا اعلان کرتے ہوئے کہاہے کہ عمران خان نے بلین ٹری سونامی کے بارے میں چائنا میں جھوٹ بول کر ملک کی ساکھ کو نقصان پہنچایا ہے،جب پارلیمانی کمیٹی کی رپورٹ بلین ٹری سونامی پر آئیگی تو ہم رپورٹ کے خلاف نیب میں درخواست دیں گے۔ ہفتہ کویہاں پاکستان پیپلز پارٹی پختونخواہ کے صدر ہمایوں خان نے صوبائی عہدیداروں کے ہمراہ پریس کانفرنس سے خطاب کرتے ہوئے کہاکہ پارٹی چیئرمین کے ساتھ ملاقات میں کافی چیزیں زیر بحث آئی ہیں،
کے پی کے میں فنانشل معاملات پر تفصیلی بحث ہوئی ہے۔ انہوں نے کہاکہ بلین سونامی ٹری پروجیکٹ سے متعلق بلاول بھٹو کو بریفنگ دی۔بلاول بھٹو نے پی ٹی آئی کرپشن کو بے نقاب کرنے کیلئے ہدایت کی ہے۔ انہوں نے کہاکہ عمران خان کہتے ہیں ایک ارب درخت لگائے ہیں، عمران خان نے چائنہ میں پانچ ارب درخت لگانے کا دعویٰ کیا ہے۔ انہوں نے کہاکہ یکم مئی کو مہنگائی کے خلاف مزدوروں کے ساتھ احتجاج کا پروگرام بنایا ہے۔ انہوکں نے کہاکہ کے پی کے میں تمام ڈاکٹرز ہڑتال پر ہیں، صورتحال انتہائی گھمبیر ہے۔ انہوں نے کہاکہ جب پارلیمانی کمیٹی کی رپورٹ بلین ٹری سونامی پر آئیگی تو ہم رپورٹ کے خلاف نیب میں درخواست دیں گے۔ انہوں نے کہاکہ ہمیں خیبرپختونخواہ کی کرپشن کا پہلے ہی پتا تھا۔انہوں نے کہاکہ پورے پاکستان کے عوام گواہ ہیں کہ موجودہ حکومت جھوٹ کی پیداوار ہے۔ انہوں نے کہاکہ عمران خان مہنگائی اور مختلف مسائل سے توجہ ہٹانے کیلئے اپوزیشن کو ٹرک کی بتی کے پیچھے لگا دیتے ہیں۔ انہوں نے کہاکہ لوگ مہنگائی سے تنگ آگئے ہیں، لوگوں کو بیروزگار کیا جارہا ہے۔ انہوں نے کہاکہ فاٹا میں الیکشن آرہے ہیں،تحریک انصاف کے فاٹا سے متعلق بیانات جھوٹ ثابت ہوں گے۔ انہوں نے کہاکہ ہم پہلے سے کہتے رہے ہیں کرپشن ہوتی رہی ہے اور صوبے کا پیشہ ضائع ہورہا ہے، ہم چاہتے ہیں ملک کی ترقی کے لیے کام کیا جائے۔ انہوں نے کہاکہ بی آر ٹی کی کرپشن پر پورے پاکستان کے عوام چیخ رہے ہیں۔انہوں نے کہاکہ خیبرپختونخواہ کے عوام کے ساتھ زیادتی کی جارہی ہے۔ انہوں نے کہاکہ پیپلزپارٹی کے پی کے کی تنظیم سازی مکمل ہے، تنظیمی طور پر ہماری پارٹی مضبوط ہے۔ انہوں نے کہاکہ اگر کارکن ناراض بھی ہیں تو ہم کارکنوں کو منانے کیلئے ان کے گھروں میں جائیں گے۔انہوں نے کہاکہ بی آر ٹی کرپشن سے متعلق تمام ثبوت نیب میں دیئے ہیں۔
