سجاول (این این آئی) ساحلی ضلع سجاول کے تحصیل شاہ بندر کے نواحی گاؤں احمد خان جت کے رہائشی غریب پورھیت محمد زمان جت نامی شخص کے دو بیٹے اور دو بیٹیاں سمیت ایک ہی خاندان کے چار فرد ایک پراسرار بیماری میں مبتلا ہو کر معذور ہو گئے، 18سالہ بیٹی سکینہ، 13سالہ محمد خان 11 سالہ امینت اور 5 سالہ اعجاز علی کے جسم کا آدھا حصہ مکمل سوکھ گیا ہے جو چلنے پھر سے بھی مکمل محروم ہیں،والد کا کہنا تہا کہ میں بہت غریب ہوں اپنا سب کچھ اپنے بچوں کے علاج پر خرچ کردیا ہے،دس پندرہ سال

کی عمر میں آتے ہی میرے بچے آہستہ آہستہ پر اسرار بیماری میں مبتلا ہو کر جسم کے آدھے حصہ میں معذور پن شروع ہو جاتا ہے جن کے علاج کے لیئے اپنا گھر بھی داؤ پر لگا دیا جو کچھ بھی تھا بچوں کی بیماری میں لگا دیا مگر علاج مکمل نہ ہو سکا، اب تو ہم قسمت کے ماروں کو کبھی ایک وقت کا کھانا بھی نصیب نہیں ہوتا ہے، اور مزید علاج معالجہ کرانا اب میری پہنچ میں نہیں ہے۔ متاثرہ خاندان کا وزیراعلیٰ سندھ ، وزیر اعظم پاکستان سے مدد کی اپیل سمیت انسان دوست و مخیر حضرات کے مدد کے منتظر۔