راولپنڈی (این این آئی)ماڈل کورٹس پاکستان کی ایک اور بڑی کامیابی۔ بلوچستان کے دو اضلاع زیارت اور ہرنائی میں تمام قتل اور منشیات کے مقدمات کا فیصلہ کر دیا گیا۔ اب اس ضلع میں کوئی قتل یا منشیات کا مقدمہ زیر سماعت نہ ہے۔پاکستان کی 116 ماڈل کورٹس نے مجموعی طور پر قتل کے 61 اور منشیات کے 74 مقدمات یعنی 135 مقدمات کا فیصلہ سنا دیا۔تمام عدالتوں نے کل 502 گواہان کے بیانات قلمبند کیے۔ چھ مجرمان کو

سزائے موت اور نو کو عمر قید کی سزا سنائی گئی جبکہ دیگر ملزمان کو کل 142سال تین ماہ اور پندرہ دن قید کا حکم سنایا گیا۔مجرمان کو 92 لاکھ اور 67 ہزار روپے کا جرمانہ بھی کیا گیا۔ماڈل کورٹس میں مقدمات کی فوری سماعت کا سلسلہ جاری ہے۔ عوام الناس نے مقدمات کی تیز سماعت کو ایک بہت بڑی تبدیلی قرار دیا ہے۔ مقدمات کی جلدی سماعت اور فیصلوں میں وکلاء کا تعاون مثالی نظر آ رہا ہے۔

موضوعات:ماڈل کورٹس