ملتان (مانیٹرنگ ڈیسک) ملتان کے حلقہ پی پی 218 میں ہونے والے ضمنی انتخاب کا غیرسرکاری اور غیر حتمی نتیجہ سامنے آ گیا ہے، اس حلقے سے تحریک انصاف کے امیدوار واصف راں 32458 ووٹ حاصل کرکے کامیاب ہو گئے ہیں جبکہ ان کے مدمقابل پیپلز پارٹی کے ارشد راں نے 27895 ووٹ حاصل کیے، اس حلقے میں 138 پولنگ سٹیشن تھے

اور یہاں پولنگ پانچ بجے تک جاری رہی۔ اس حلقے میں تحریک انصاف اور پیپلز پارٹی کے امیدوار کے علاوہ ن لیگ کے امیدوار بھی میدان میں تھے۔ واضح رہے کہ یہ نشست تحریک انصاف کے رکن اسمبلی مظہر راں کے فوت ہو جانے کی وجہ سے خالی ہوئی تھی، اس طرح یہ نشست تحریک انصاف نے ہی دوبارہ حاصل کر لی ہے۔