لاہور (نیوز ڈیسک)پاکستان کے علیم ڈار سب زیادہ ون ڈے انٹرنیشنل میچز میں امپائرنگ کے فرائض انجام دے کر ڈیرل شیفرڈ کے ہم پلہ ہو گئے ہیں۔ ڈار نے یہ اعزاز پاکستان اور زمبابوے کے درمیان کھیلے گئے سیریز کے پہلے ون ڈے میں شرکت سے حاصل کیا۔ علیم ڈار نے 2000ئ میں پاکستان اور سری لنکا کے درمیان کھیلے گئے ون ڈے میچ سے امپائرنگ کیریئر کا آغاز کیا تھا اور پندرہ سالہ کیریئر میں انہیں اب تک 172 ایک روزہ میچوں میں ایمپائرنگ کرنے کا اعزاز حاصل ہے، پاک زمبابوے ٹیموں کے درمیان کھیلے گئے پہلے ون ڈے میں انہوں نے شرکت کر کے ڈیرل شیفرڈ کے زیادہ میچز میں امپائرنگ کرنے کا ریکارڈ بھی برابر کر دیا۔ دونوں نے اب تک 172، 172 میچز میں امپائرنگ کر رکھی ہے۔ .