لاہور (آن لائن) پاکستان عوامی تحریک نے پی پی 218 کے ضمنی الیکشن میں پاکستان تحریک انصاف کے امیدوار ملک واصف مظہر راں کی حمایت کا اعلان کردیا۔یہ اعلان کوٹ عباس شہید میں پاکستان عوامی تحریک کی جانب سے منعقدہ کارنر میٹنگ میں امیدوار ملک واصف مظہر راں اورملک الطاف راں کی موجودگی میں پاکستان عوامی تحریک کے مرکزی میڈیا کوارڈینیٹرراؤ محمد عارف رضوی نے کیا۔
اس موقع پر خطاب کرتے ہوئے امیدوار ملک واصف مظہر راں نے کہا کہ پاکستان تحریک انصاف روز اول سے ہی سانحہ ماڈل ٹاؤن پر انصاف کے حصول کیلئے پاکستان عوامی تحریک کے مظلوموں کے ساتھ کھڑی ہے،میں منتخب ہوکر شہداء4 ماڈل ٹاؤن کو انصاف دلانے کیلئے پنجاب اسمبلی میں بھرپور آواز اٹھاؤں گا۔مرکزی رہنما پاکستان عوامی تحریک راؤ محمد عارف رضوی نے کہا کہ ہم اپنے شہداء4 کے خون کا قصاص لینے کیلئے قانونی جنگ لڑرہے ہیں،اور قاتلوں کو نشان عبرت بنانے تک یہ جنگ جاری رہے گی۔پاکستان تحریک انصاف کی مرکزی قیادت کی درخواست پر پاکستان تحریک انصاف کے امیدوار کی حمایت کا اعلان کیا ہے۔پاکستان عوامی تحریک پی پی 218 کے آرگنائزر چوہدری محمد اکرم گجر نمبردار نے کہا کہ ہم نے پاکستان تحریک انصاف کی حمایت کا اعلان بغیر کسی مطالبے کے غیر مشروط طور پر کیا ہے۔امید ہے پاکستان تحریک انصاف اس حلقے کی فلاح اور بہتری کیلئے عوامی خدمت کا مشن جاری رکھے گی۔اس موقع پر پاکستان عوامی تحریک کے رہنما راؤ عظمت علی،راؤ احمد علی،راؤ آصف رزاقی،حاجی جمشید علی،محمد طاہر زمان،حافظ غلام محی الدین ،سلیم ادریس،چوہدری فقیرحسن گجر،حاجی محمد یونس،راؤندیم شوکت،کونسلر راؤ شرافت علی،راؤ محمد حسین،چوہدری یامین گجر،راؤ شفاعت علی،چوہدری نواب الدین گجر،فقیر حسین بھٹی،راؤ منظورپپو نمبردار سمیت کثیر تعداد میں معززین علاقہ نے شرکت کی۔
