لاہور ( این این آئی) وزیراعلیٰ اور ارکان پنجاب اسمبلی کی تنخواہوں اور مراعات میں اضافے کا بل منظور کرنے کا اقدام لاہور ہائیکورٹ میں چیلنج کر دیا گیا ۔ درخواست چوہدری شعیب سلیم ایڈووکیٹ کی جانب سے دائر کی گئی جس میں پنجاب حکومت،اسپیکر پنجاب اسمبلی اور چیف سیکرٹری کو فریق بنایا گیا ہے ۔ درخواست میں کہا گیا ہے کہ ارکان پنجاب اسمبلی اور وزیراعلی کی

تنخواہوں میں اضافہ غیر قانونی ہے ، عوام مہنگائی اور بے روزگاری کی وجہ سے پریشان ہیں اور وزیراعظم ملک چلانے کے لیے دوسروں ممالک سے قرضے لے رہے ہیں جبکہ دوسری جانب پنجاب حکومت ارکان پنجاب اسمبلی تنخواہوں میں تین سو گنااضافہ کررہی ۔ معزز عدالت سے استدعا ہے کہ وزیراعلیٰ اور ارکان اسمبلی کی تنخواہوں میں اضافہ کے بل کالعدم قرار دیاجائے ۔