نئی دہلی(این این آئی) بھارت کی حکمران جماعت کے ایک وزیر نے تجویز دی ہے کہ اپوزیشن کے جو رہنما ء پاکستان پر کیے گئے حملے پر سوالات اٹھائیں انہیں اگلے مشن کے دوران جنگی طیاروں کے نیچے باندھ کر بم کی طرح پھینک دینا چاہیے،میڈیارپورٹس کے مطابق بھارت کے نائب وزیر خارجہ وی کے سنگھ نے میڈیا سے گفتگو
کرتے ہوئے کہا کہ میرے خیال میں اگر بھارت دوبارہ اس طرح کا کوئی حملہ کرے تو اپوزیشن کے جو لوگ سوالات اٹھا رہے ہیں انہیں طیاروں کے نیچے باندھ دینا چاہیے تا کہ وہ ٹارگٹ کو خود دیکھ سکیں۔انہوں نے مزید کہاکہ اس سے بم پھینکتے وقت نہ صرف وہ ٹارگٹ کو دیکھ سکیں گے بلکہ واپس آنے سے پہلے انہیں بھی بم کی طرح گرایا جاسکے گا۔
