ایڈن برگ (مانیٹرنگ ڈیسک) آسٹریلیا سے اپنے وطن سکاٹ لینڈ واپس جانیوالی خاتون کے جوتے سے پائی تھون سانپ نکل آیا۔ سکیورٹی عملے نے سانپ پکڑ کر جانوروں کے ریسکیو سنٹر بھجوا دیا۔میڈیا رپورٹ کے مطابق میری بوکسیل نامی خاتون کے سامان میں یہ سانپ آسٹریلین شہر کوئنز لینڈ سے سکاٹ لینڈ کے شہر گلاسگو کے 9 ہزار میل طویل سفر کے دوران گھس آیا تھا، جب خاتون نے اپنے جوتے میں سانپ کو دریافت کیا تو اس نے مدد کیلئے سکیورٹی عملے سے مدد طلب کی۔ایئرپورٹ انتظامیہ کا کہنا ہے کہ
ہمیں آسٹریلیا سے لوٹنے والی خاتون نے فون کر کے بتایا کہ اس نے اپنے سوٹ کیس میں موجود جوتے کے اندر ایک سانپ کو دریافت کیا ہے، اس پر ہم وہاں پہنچے اور سانپ کو اس جگہ سے ہٹا دیا۔اب یہ سانپ جانوروں کے ایک ریسکیو سنٹر میں ہے اور ماہرین کے مطابق یہ سانپ زہریلا نہیں ہے۔ یہ واقعہ 2006 کی ایک ہالی وڈ فلم سے ملتا جلتا ہے جس میں ولن زہریلے سانپوں کو ایک طیارے میں چھپا دیتے ہیں تاکہ پرواز کے دوران ایک گواہ کو ہلاک کر سکیں مگر حقیقی زندگی میں بھی یہ کوئی پہلا واقعہ نہیں۔
