لاہور (آن لائن) وزیراعظم عمران خان کی سابقہ اہلیہ ریحام خان کے پاکستان میں داخلہ ممنوع قرار دینے کے مطالبے کی قرارداد پنجاب اسمبلی میں جمع کروا دی گئی۔قرارداد تحریک انصاف کی رکن پنجاب اسمبلی سیمابیہ طاہر کی جانب سے جمع کرائی گئی۔ قرار داد میں کہا گیا ہے کہ صوبائی اسمبلی پنجاب کا یہ ایوان ریحام خان کے بھارتی چینل پر دیئے گئے پاکستان مخالف بیان کو

سراسر جھوٹ اور پاکستان کے وقار کے منافی سمجھتا ہے۔یہ ایوان یہ بھی سمجھتا ہے کہ ریحام خان شاطر خاتون ہے اور ایک سوچے سمجھے منصوبے کے تحت پاکستان کے خلاف بھارت سے مل کر اپنی مہم چلا رہی ہے۔ قرار داد میں مطالبہ کیا گیا ہے کہ پاکستان میں ریحام خان کا داخلہ ممنوع قرار دیا جائے اور اس کے ہر قسم کے بیان، انٹرویو اور خبر کو نشر کرنے پر پابندی عائد کی جائے۔