اسلام آباد(نیوزڈیسک) پاکستان تحریک انصاف کے چیئرمین عمران خان اپنی اہلیہ کے ہمراہ پاکستان اور زمبابوے کے درمیان کھیلا جانے والا دوسرا ٹی 20 میچ دیکھنے کے لیے قذافی سٹیڈیم جا رہے ہیں ۔
اسلام آباد سے لاہور روانگی کے دوران سماجی رابطوں کی ویب سائٹ ٹوئٹر پر جاری پیغام میں عمران خان کا کہنا تھا کہ وہ 19 سال بعد قذافی سٹیڈیم جا رہے ہیں ۔ انہوں نے مزید کہا کہ وہ آخری مرتبہ قذافی سٹیڈیم میں ورلڈ کپ میچ دیکھنے گئے تھے اور اب پاکستان اور زمبابوے کا میچ دیکھنے جا رہے ہیں ۔ عمران خان کا مزید کہنا تھا کہ وہ امید کرتے ہیں کہ انہیں آج ایک بہترین میچ دیکھنے کو ملے گا ۔