کراچی(نیوزڈیسک )ایگزیکٹ کمپنی کے خلاف جعلی ڈگریوں کا اسکینڈل سامنے آنے کے بعد ”بول نیٹ ورک“ کے صدر اور ایڈیٹر انچیف کامران خان سمیت سی ای او اظہر عباس نے بھی ادارے سے علیحدگی کا اعلان کردیا ہے۔بول نیٹ ورک کے سی ای او اظہر عباس نے بھی اپنے استعفیٰ کا اعلان سماجی رابطے کی ویب سائٹ ٹویٹر پر کیا جس میں ان کا کہنا تھا کہ استعفے کا فیصلہ ایڈیٹرز اور ا پنے اسٹاف سے مشورے کے بعد کیا۔سینئر صحافی افتخار احمد نے بھی بول نیٹ ورک سے علیحدگی کا اعلان سماجی رابطے کی ویب سائٹ ٹویٹر پر کیا جس میں ان کہنا تھا کہ وہ اب مزید بول نیٹ ورک کے ساتھ کام نہیں کرسکتے کیونکہ ایگزیکٹ کا بنیادی کام ان کی پیشہ وارانہ ذمہ داریوں سے متصادم ہورہا ہے۔معروف نیوز اینکر عاصمہ شیرازی نے بھی بول نیٹ ورک سے علیحدگی کا اعلان کرتے ہوئے کہا کہ سچ ضرور سامنے آئے گا۔