اسلام آباد(مانیٹرنگ ڈیسک)نجی ٹی وی پروگرام میں گفتگو کرتے ہوئے سینئر صحافی اور تجزیہ کار حسن نثارکا کہنا ہے کہ چند دنوں میں سب کو پتہ چل جائے گا کہ حال ہی میں پیش کیا جانے والا بجٹ کیسا ہے۔ حکومت پنجاب نے بسنت منانے کا فیصلہ واپس لے لیا،اس پر حسن نثار نے کہا کہ یہ ایشو رہنے دیں یہ پرفارم کریں نہ کریں یہ اس طرح کے شوشے چھوڑنا چھوڑ دیں۔جس صوبے میں ڈاکٹر یاسمین راشد جیسی خاتون ڈیلور نہ کرسکے اس کا مطلب ہے کہانی کچھ اور ہے ۔
ضرورت ہے ایشوز کی طرف توجہ دینے کی جہاں تک عثمان بزدار کی بات ہے وہ سادہ ہیں اگر وہ پھول لے بھی گئے تو کیا ہوگیا پھول تو ہم قبروں پر بھی لے کر جاتے ہیں،اپوزیشن کو چاہیے پارلیمنٹ میں صحیح عوامی مسائل اٹھائے۔ جہاں تک علیم خان کی بات ہے وہ کام کرنے والوں میں سے ہیں ۔کوڑا کرکٹ سے توانائی بنا نے میں اگر وہ کامیاب ہوجاتے ہیں تو پنجاب کی تاریخ میں نہ مٹنے والے نقوش چھوڑ جائیں گے اور ایک تیر سے کئی شکار ہوسکیں گے۔
