میرانشاہ (این این آئی) ملکی اور غیر ملکی میڈیا کے نمائندوں نے اتوار کو ڈی جی آئی ایس پی آر کے ہمراہ پشاور، میران شاہ اور غلام خان بارڈر ٹرمینل کا دورہ کیا ،کمانڈر پشاور کور اور جی او سی شمالی وزیرستان سے ملاقات کی اور بریفنگ دی گئی۔ آپریشنز کے بعد میڈیا کی پہلی بار عوام سے براہ راست ملاقات ہے ۔عوام نے میران شاہ بازار میں میڈیا سے امن کی بہتر صورتحال اور درپیش
انتظامی مسائل پر گفتگو کی اور پاک فوج کی بحالی امن اور تعمیرو ترقی کے اقدامات کو سراہا۔میڈیا نے بارڈر پر خاردار تار قائم کرنے کے مشکل کام کو سراہا۔ اس موقع پر میران شاہ بازار میں عوام نے ڈی جی آئی ایس پی آر کے ساتھ سیلفیاں بھی بنوائیں ۔عوام نے میڈیا کو اپنے درمیان دیکھ کر خوشی کا اظہار کیا اور کہاکہ پرامن شمالی وزیرستان تعمیروترقی کی طرف گامزن ہے ۔
