اسلام آباد( این این آئی ) اقتصادی مشاورتی کونسل کے رکن ثاقب شیرانی نے استعفیٰ دیدیا ، ذاتی وجوہات کی بنا ء پر استعفیٰ دینے والے ثاقب شیرانی نے وزیراعظم اور وزیرخزانہ کو فیصلے سے آگاہ کردیا ہے۔تفصیلات کے مطابق وزیر اعظم کی اکنامک ایڈوائزری کونسل سے ایک اور رکن مستعفی ہوگئے، ماہر معاشیات ثاقب شیرانی نے استعفیٰ دے دیا،
ثاقب شیرانی کاکہنا ہے کہ نجی وجوہات کی بنا ء پرکونسل چھوڑرہا ہوں۔واضح رہے کہ ثاقب شیرانی ریونیو اور اکنامکس پرایڈوائیزری فراہم کر رہے تھے، کونسل سے اب تک چار ممبران مستعفی ہوچکے ہیں، کونسل میں اٹھارہ ممبران تھے اب چودہ باقی رہ گئے ہیں۔یاد رہے ستمبر 2018 میں حکومت کی جانب سے ماہر معاشیات عاطف میاں کی نامزدگی واپس لینے کے بعد انہوں نے نے اکنامک ایڈوائزری کونسل کی رکنیت چھوڑ دی تھی اور استعفی حکومت کو بھجوادیا تھا۔بعد ازاں اقتصادی مشاورتی کونسل سے میاں عاطف کو الگ کرنے کے فیصلے پر رکن پروفیسر عمران رسول نے بھی کونسل سے علیحدگی اختیار کرلی تھی جس کے بعد کونسل کے رکن عاصم خواجہ کا اپنے پیغام میں کہنا تھا کہ میں نے اقتصادی مشاورتی کونسل سے استعفیٰ دے دیا ہے۔واضح رہے وزیراعظم عمران خان نے 11 افراد پر مشتمل اقتصادی مشاورتی کونسل تشکیل دے تھی، جس میں ماہرین تعلیم، ماہرین اقتصادیات اور ترقی کے ماہرین کو شامل کیا گیا تھا۔ اقتصادی مشاورتی کونسل کے رکن ثاقب شیرانی نے استعفیٰ دیدیا ، ذاتی وجوہات کی بنا ء پر استعفیٰ دینے والے ثاقب شیرانی نے وزیراعظم اور وزیرخزانہ کو فیصلے سے آگاہ کردیا ہے۔تفصیلات کے مطابق وزیر اعظم کی اکنامک ایڈوائزری کونسل سے ایک اور رکن مستعفی ہوگئے، ماہر معاشیات ثاقب شیرانی نے استعفیٰ دے دیا
