لاہور (این این آئی) ساہیوال آپریشن میں ملوث اہلکاروں کے نام منظر عام پر آگئے۔ میڈیا رپورٹس کے مطابق ساہیوال آپریشن میں ٹیم کی قیادت انسداد دہشت گردی فورس کے سب انسپکٹر صفدر حسین نے کی جبکہ دیگر اہلکاروں میں احسن خان، محمد رمضان، سیف اللہ اور حسنین اکبر شامل تھے ۔مذکورہ اہلکاروں کی اندھا دھند فائرنگ کے نتیجے میں کار میں سوار خاتون ، بچی اور 2مرد جاں بحق ہوئے۔
میڈیا رپورٹس کے مطابق واقعہ کو اصل رنگ دینے کے لئے صفدر حسین کی مدعیت میں مقدمہ بھی درج کیا گیا ،لاہور کے تھانہ سی ٹی ڈی میں درج مقدمے میں قتل ،اقدام قتل ،دہشت گردی ،ناجائز اسلحہ رکھنے اور ایکسپلوزو ایکٹ کی دفعات شامل کی گئیں جبکہ واقعے کا دوسرا مقدمہ مقتول خلیل کے بھائی محمد جلیل کی مدعیت میں ساہیوال کے تھانہ یوسف والا میں درج کیا گیا ۔
