پیر‬‮ ، 17 جون‬‮ 2024 

اگر شہباز شریف کو گرفتار کیا جا سکتا ہے تو عمران خان اور پرویز خٹک کو کیوں نہیں کیا جا سکتا؟ رانا ثناء اللہ نے نیب پر سنگین الزامات عائد کردیئے

datetime 13  جنوری‬‮  2019
ہمارا واٹس ایپ چینل جوائن کریں

فیصل آباد (این این آئی)پاکستان مسلم لیگ (ن)کے رہنما رانا ثنا اللہ خان نے نیب پر جانبدارانہ ہونے کا الزام لگاتے ہوئے کہا ہے کہ اگر شہباز شریف کو گرفتار کیا جا سکتا ہے تو عمران خان اور پرویز خٹک کو کیوں نہیں کیا جا سکتا؟۔ اتوار کو یہاں میڈیا نمائندوں سے گفتگو میں رانا ثنا ء اللہ نے الزام لگایا کہ قومی احتساب بیورو (نیب) کا کردار جانبدارانہ ہے اور ادارہ ہمارے خلاف انتقامی کارروائیاں کر رہا ہے، چیئرمین نیب سے ملاقات کے دوران اپنے تحفظات سامنے رکھیں گے ۔

انہوں نے کہاکہ شریف برادران قانونی جنگ لڑ رہے ہیں، سرخرو ہونگے۔لیگی رہنما رانا ثنا ء اللہ خان نے کہا کہ وزیر اطلاعات فواد چودھری صبح وشام میاں برادران کیخلاف الزام لگاتے ہیں لیکن علیمہ خان کی پراپرٹی کا حساب نہیں دیا جا رہا۔ صدقہ، زکواۃ، خیرات کے پیسوں سے یورپ میں پراپرٹی خریدی گئی تھی۔انہوں نے کہا کہ ایمنسٹی سکیم کا اعلان (ن) لیگ کی حکومت نے کیا، وزیراعظم عمران نے کہا تھا کہ جو اس سکیم سے فائدہ اٹھائے گا وہ چور اور ڈاکو ہوگا۔ علیمہ خان اسی ایمنسٹی سکیم سے فائدہ اٹھاتے ہوئے رنگے ہاتھوں پکڑی گئیں۔وزیر ریلوے شیخ رشید کو تنقید کا نشانہ بناتے ہوئے انہوں نے کہا کہ شیخ رشید کو اگر اختلاف ہے تو استعفیٰ دیں،عدالت جانا چاہیے، پی اے سی کا چیئرمین بنانا حکومت کا فیصلہ ہے، شیخ رشید کو اگر اعتراض ہے تو وہ سب سے پہلے استعفیٰ دیں اور عدالت میں پیش ہوں۔ کابینہ کے فیصلے کیخلاف قانونی چارہ جوئی نہیں کی جا سکتی، شیخ رشید اگر سپریم کورٹ جائیں گے تو جرمانے کیساتھ درخواست خارج ہو گی۔رانا ثنا اللہ خان نے الزام عائد کیا کہ 1985ء سے پہلے شیخ رشید کے پاس کوئی پراپرٹی نہیں تھی، کشمیر مہاجرین کے کیمپ سے وہ ارب پتی بنے



کالم



صدقہ‘ عاجزی اور رحم


عطاء اللہ شاہ بخاریؒ برصغیر پاک و ہند کے نامور…

شرطوں کی نذر ہوتے بچے

شاہ محمد کی عمر صرف گیارہ سال تھی‘ وہ کراچی کے…

یونیورسٹیوں کی کیا ضرروت ہے؟

پورڈو (Purdue) امریکی ریاست انڈیانا کا چھوٹا سا قصبہ…

کھوپڑیوں کے مینار

1750ء تک فرانس میں صنعت کاروں‘ تاجروں اور بیوپاریوں…

سنگ دِل محبوب

بابر اعوان ملک کے نام ور وکیل‘ سیاست دان اور…

ہم بھی

پہلے دن بجلی بند ہو گئی‘ نیشنل گرڈ ٹرپ کر گیا…

صرف ایک زبان سے

میرے پاس چند دن قبل جرمنی سے ایک صاحب تشریف لائے‘…

آل مجاہد کالونی

یہ آج سے چھ سال پرانی بات ہے‘ میرے ایک دوست کسی…

ٹینگ ٹانگ

مجھے چند دن قبل کسی دوست نے لاہور کے ایک پاگل…

ایک نئی طرز کا فراڈ

عرفان صاحب میرے پرانے دوست ہیں‘ یہ کراچی میں…

فرح گوگی بھی لے لیں

میں آپ کو ایک مثال دیتا ہوں‘ فرض کریں آپ ایک بڑے…