کراچی(نیوز ڈیسک)وفاقی وزیر برائے بحری امور علی حیدر زیدی نے وزیر اعلیٰ سندھ سیدمراد علی شاہ کو چیلنج دیا ہے کہ وہ اپنی نشست سے مستعفی ہوں اور دوبارہ الیکشن کرا کے دیکھ لیں،سندھ میں کوئی فارورڈ بلاک نہیں بنایا جارہا، خرم شیر زمان پر الزام عائد کیا گیا تو اس کا ردعمل سامنے آیا۔خصوصی گفتگوکرتے ہوئے وفاقی وزیر برائے بحری امور نے  دعویٰ کیا کہ آصف زرداری کے نیویارک فلیٹس سے متعلق ہمیں بھی کالز موصول ہوئیں،

محمد اقبال نامی شخص نے نیویارک میں واقع پینٹ ہائوس12مارچ2007کو50فیصد مورگیج پر خریدا تھا۔انہوں نے کہاکہ فلیٹ نمبر ایف 37 کا بل آصف زرداری کے نام پر آتا ہے، اگر اپارٹمنٹ سابق صدر کی زیر ملکیت نہیں تو پھر ٹیکس بل کا ان کے نام پر آنا سمجھ سے بالا تر ہے۔انہوں نے کہاکہ آصف زرداری نے اپارٹمنٹ کی پاور آف اٹارنی مہرین شاہ کے نام پر بنوائی ہوئی ہے، پینٹ ہائوس اور اپارٹمنٹ 37 ایف پر 73 ہزار ڈالر واجب الادا ہیں۔