انقرہ(این این آئی)ترک صدر رجب طیب ایردوآن نے کہا ہے کہ اْن کی حکومت انسدادِ دہشت گردی کے سلسلے میں عراق کے ساتھ تعاون میں اضافہ کرے گی۔غیرملکی خبررساں ادارے کے مطابق ایردوآن نے یہ بات اپنے عراقی ہم منصب برہم صالح کے ساتھ ملکی دارالحکومت انقرہ میں ملاقات کے بعد کہی۔ترک صدر
کے مطابق شام سے امریکی فوج کے انخلا کے بعد انقرہ حکومت کا کردار بڑھ گیا ہے اور ہر ممکن کوشش کی جائے گی کہ داعش ترکی یا عراق کے لیے خطرہ نہ بن سکے۔ اس موقع پر ایردوآن نے کالعدم کردستان ورکرز پارٹی کے خلاف اپنے عسکری آپریشن کو جاری رکھنے کے عزم کا بھی اظہار کیا۔
