اسلام آباد(مانیٹرنگ ڈیسک)حکومت کی جانب سے لاتعلقی کے اعلان کے بعد ماہر معیشت اور حکومت کے معاشی امور پر ترجمان فرخ سلیم بھی میدان میں آگئے، حیران کن انکشافات کر دئیے۔ تفصیلات کے مطابق چند روز قبل ماہر معیشت اور حکومت کے معاشی امور پر ترجمان فرخ سلیم نے ایک نجی ٹی وی کو انٹرویو دیتے ہوئے حکومت کی معاشی حکمت عملی کی ناکامی کا

اعتراف کرتے ہوئے انکشاف کیا تھا کہ روپے کی قدر گرانے کی پالیسی ناکام رہی اور حکومت کی معاشی حکمت عملی کام نہیں کر رہی۔جس پر وزیر اطلاعات فواد چوہدری نے دعوی کیا تھا کہ فرخ سلیم کبھی بھی حکومت کے ترجمان نہیں رہے، انہیں نامزد ضرور کیا گیا تھا تاہم ان کی تقرری عمل میں نہیں لائی گئی۔ فواد چوہدری کے اس بیان پر فرخ سلیم ایک بار پھر میدان میں آگئے ہیں اور انہوں نے انکشاف کیا ہے کہ پچھلے 3 ماہ میں کبھی یہ نہیں بتایا گیا کہ وہ اب حکومت کے ترجمان نہیں رہے، فواد چوہدری کے اس بیان پر فرخ سلیم ایک بار پھر میدان میں آگئے ہیں اور انہوں نے انکشاف کیا ہے کہ پچھلے 3 ماہ میں کبھی یہ نہیں بتایا گیا کہ وہ اب حکومت کے ترجمان نہیں رہے،جبکہ انہوں نے وزیراعظم عمران خان کی زیر صدارت ترجمانوں کے اجلاس میں 24 دسمبر تک باقاعدگی سے شرکت بھی کی تھی۔روزنامہ جنگ کی رپورٹ کے مطابق فرخ سلیم نےواضح کیا ہے وزیراعظم عمران خان کی زیر صدارت ترجمانوں کے اجلاس میں 24 دسمبر تک وہ باقاعدگی سے شرکت کرتے رہے ہیں اوراس بات پر حیرانی ظاہر کی کہ انہیں تعینات ہی نہیں کیا گیا تھا۔یہاں یہ بات نہایت اہمیت کی حامل ہے کہ اگر فرخ سلیم کوحکومتی ترجمان نہیں بنایا گیا تھا تو اجلاسوں میں انہیں کس حیثیت سے بلایا جاتا رہا؟ اور یہ بھی کہ حکومت کو آئینہ دکھانے پر ہی فرخ سلیم سےمتعلق وزارت اطلاعات کووضاحتیں دینے کی ضرورت کیوں پیش آئی۔